shabnam ne kab is baat se inkar kiya hai

Mahshar Badayuni

shabnam ne kab is baat se inkar kiya hai

Mahshar Badayuni

MORE BY Mahshar Badayuni

    shabnam ne kab is baat se inkār kiyā hai

    kirnoñ ne sadā us se bahut pyaar kiyā hai

    shāḳhoñ pe ab ilzām koī bād-e-sabā kyuuñ

    ne to har shāḳh ko talvār kiyā hai

    kis kis pe kiye lutf-o-karam shahr-e-tarab ne

    ham par bhī koī sāya-e-dīvār kiyā hai

    kuchh saḳhtī-e-imroz to kuchh ye bhī ki yaaro

    qarz-e-ġham-e-fardā ne girāñ-bār kiyā hai

    jañg apne muqaddar se ḳharīdī hai ki ham ne

    ik shaḳhs hai dil de jise yaar kiyā hai

    ik lamhe ke ehsās ne tanhā-safarī meñ

    barsoñ ke liye vaqt se hushiyār kiyā hai

    hogā koī bhed is meñ ki naam apnā hamīñ ne

    bad-nām sar-e-kūcha-o-bāzār kiyā hai

    jis dasht se laa.e the vahīñ le chalo yaaro

    kyuuñ aaise ḳharābe meñ hameñ ḳhaar kiyā hai

    ḳhush hote haiñ sheroñ se samajhte haiñ kahāñ log

    shā.er ne kisī dard iz.hār kiyā hai

    shabnam ne kab is baat se inkar kiya hai

    kirnon ne sada us se bahut pyar kiya hai

    shaKHon pe ab ilzam koi baad-e-saba kyun

    tu ne hi to har shaKH ko talwar kiya hai

    kis kis pe kiye lutf-o-karam shahr-e-tarab ne

    hum par bhi koi saya-e-diwar kiya hai

    kuchh saKHti-e-imroz to kuchh ye bhi ki yaro

    qarz-e-gham-e-farda ne giran-bar kiya hai

    jang apne muqaddar se KHaridi hai ki hum ne

    ek shaKHs hai dil de ki jise yar kiya hai

    ek lamhe ke ehsas ne tanha-safari mein

    barson ke liye waqt se hushiyar kiya hai

    hoga koi bhed is mein ki nam apna hamin ne

    bad-nam sar-e-kucha-o-bazar kiya hai

    jis dasht se lae the wahin le chalo yaro

    kyun aaise KHarabe mein hamein KHar kiya hai

    KHush hote hain sheron se samajhte hain kahan log

    shaer ne kisi dard ka izhaar kiya hai

    Source:

    • Book : Kulliyat-e-Mahshar Badayuni (Pg. 107)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY