shabnam shabnam rota hai

shabnam shabnam rotā hai

dariyā ho kar pyāsā hai

dil kī banjar dhartī par

yaar kā mausam aayā hai

nafrat kā ehsās huā

jab jab shīsha dekhā hai

maiñ bhī kam-kam miltā huuñ

vo bhī kaT kaT jaatā hai

mere ghar aa dekh zarā

har sū tū hī bikhrā hai

rātoñ ko ronā us kā

be-ḳhvābī kā qissa hai

jitnā jī chāhe hañs lo

sab ko ik din ronā hai

ghar se bāhar niklo to

duniyā jaisī duniyā hai

rishte-nāte khel samajh

kaun kisī kā hotā hai

jis ko apnī jaañ kahte ho

ek din us ko bhī khonā hai

kachche-pakke rishtoñ kā

dukh 'farhān' ko sahnā hai

shabnam shabnam rota hai

dariya ho kar pyasa hai

dil ki banjar dharti par

yar ka mausam aaya hai

nafrat ka ehsas hua

jab jab shisha dekha hai

main bhi kam-kam milta hun

wo bhi kaT kaT jata hai

mere ghar aa dekh zara

har su tu hi bikhra hai

raaton ko rona us ka

be-KHwabi ka qissa hai

jitna ji chahe hans lo

sab ko ek din rona hai

ghar se bahar niklo to

duniya jaisi duniya hai

rishte-nate khel samajh

kaun kisi ka hota hai

jis ko apni jaan kahte ho

ek din us ko bhi khona hai

kachche-pakke rishton ka

dukh 'farhan' ko sahna hai