shafaq bhi KHun ki bauchhaar si hai

shafaq bhī ḳhuun kī bauchhār sī hai

ye surḳhī shahr ke aḳhbār sī hai

kaTīle haiñ tire lafz-o-bayāñ sab

qalam ḳhanjar zabāñ talvār sī hai

kisī bhī chiiz meñ lagtā nahīñ dil

tabī.at bin tire bezār sī hai

tum apne ruup se ḳhud aa.ina ho

tumhāre rū-ba-rū kyuuñ aarsī hai

ye saarī qurbateñ rasmī haiñ yaanī

diloñ ke darmiyāñ dīvār sī hai

jo ham ḳhud ko muhājir maan bhī leñ

to kis kī haisiyat ansār sī hai

yahāñ logoñ ne likh rakkhā hai kyā kuchh

fasīl-e-shahr bhī aḳhbār sī hai

nazar aayā hai phir 'mahtāb' koī

tabī.at phir junūñ-āsār sī hai

shafaq bhi KHun ki bauchhaar si hai

ye surKHi shahr ke aKHbar si hai

kaTile hain tere lafz-o-bayan sab

qalam KHanjar zaban talwar si hai

kisi bhi chiz mein lagta nahin dil

tabiat bin tere bezar si hai

tum apne rup se KHud aaina ho

tumhaare ru-ba-ru kyun aarsi hai

ye sari qurbaten rasmi hain yani

dilon ke darmiyan diwar si hai

jo hum KHud ko muhajir man bhi len

to kis ki haisiyat ansar si hai

yahan logon ne likh rakkha hai kya kuchh

fasil-e-shahr bhi aKHbar si hai

nazar aaya hai phir 'mahtab' koi

tabiat phir junun-asar si hai