shafaq ki rakh mein jal bujh gaya sitara-e-sham

shafaq kī raakh meñ jal bujh gayā sitāra-e-shām

shab-e-firāq ke gesū fazā meñ lahrā.e

koī pukāro ki ik umr hone aa.ī hai

falak ko qāfila-e-roz-o-shām Thahrā.e

ye zid hai yaad harīfān-e-bāda-paimā kī

ki shab ko chāñd na nikle na din ko abr aa.e

sabā ne phir dar-e-zindāñ pe aa ke dī dastak

sahar qarīb hai dil se kaho na ghabrā.e

shafaq ki rakh mein jal bujh gaya sitara-e-sham

shab-e-firaq ke gesu faza mein lahrae

koi pukaro ki ek umr hone aai hai

falak ko qafila-e-roz-o-sham Thahrae

ye zid hai yaad harifan-e-baada-paima ki

ki shab ko chand na nikle na din ko abr aae

saba ne phir dar-e-zindan pe aa ke di dastak

sahar qarib hai dil se kaho na ghabrae