shagufta yaadon ka mausam baDa suhana lage

shagufta yādoñ kā mausam baḌā suhānā lage

tumheñ banā luuñ maiñ apnā agar burā na lage

vo de na pā.egā merī mohabbatoñ kā javāb

use to merā har ik lafz tāziyāna lage

du'ā yahī hai mujhe bhuul jaao tum varna

tumheñ bhulāne meñ mujh ko bahut zamāna lage

qabā guloñ kī bahāroñ meñ chāk-chāk hai kyoñ

havā-e-sahn-e-chaman mujh ko bāġhiyāna lage

jalā.ūñgā maiñ havāoñ kī zad pe ab bhī diye

ye 'azm chāhe zamāne ko ḳhud-sarāna lage

sunā chuke sabhī rūdād-e-ġham unheñ 'bismil'

ab aisā giit sunāo jo dil-barāna lage

shagufta yaadon ka mausam baDa suhana lage

tumhein bana lun main apna agar bura na lage

wo de na paega meri mohabbaton ka jawab

use to mera har ek lafz taziyana lage

du'a yahi hai mujhe bhul jao tum warna

tumhein bhulane mein mujh ko bahut zamana lage

qaba gulon ki bahaaron mein chaak-chaak hai kyon

hawa-e-sahn-e-chaman mujh ko baghiyana lage

jalaunga main hawaon ki zad pe ab bhi diye

ye 'azm chahe zamane ko KHud-sarana lage

suna chuke sabhi rudad-e-gham unhen 'bismil'

ab aisa git sunao jo dil-barana lage