shah-rag-e-jaan ke pas rahti hai
shah-rag-e-jāñ ke paas rahtī hai
ab talak terī aas rahtī hai
terī ḳhushbū hai aaj tak mujh meñ
par vo ḳhushbū udaas rahtī hai
hoñTh sairāb ho ga.e ḳhud hī
ab to āñkhoñ meñ pyaas rahtī hai
niiñd har raat merī āñkhoñ meñ
sub.h tak be-libās rahtī hai
zindagī kā pata nahīñ mā'lūm
bas kahīñ ās-pās rahtī hai
shah-rag-e-jaan ke pas rahti hai
ab talak teri aas rahti hai
teri KHushbu hai aaj tak mujh mein
par wo KHushbu udas rahti hai
honTh sairab ho gae KHud hi
ab to aankhon mein pyas rahti hai
nind har raat meri aankhon mein
subh tak be-libas rahti hai
zindagi ka pata nahin ma'lum
bas kahin aas-pas rahti hai
- Book : Subh Bakhair Zindagi (Pg. 123)
- Author : Ameer Imam
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
