shahar-e-ghaflat ke makin waise to kab jagte hain

shahar-e-ġhaflat ke makīñ vaise to kab jāgte haiñ

ek andesha-e-shabḳhūñ hai ki sab jāgte haiñ

shāyad ab ḳhatm huā chāhtā hai ahd-e-sukūt

harf-e-e.ajāz kī tāsīr se lab jāgte haiñ

rāh-e-gum-karda-e-manzil haiñ ki manzil kā surāġh

kuchh sitāre jo sar-e-qarya-e-shab jāgte haiñ

aks in ā.ankhoñ se vo mahv hue jo ab tak

ḳhvāb kī misl pas-e-chashm-e-talab jāgte haiñ

harf-e-ḳhufta kī tarah chashm-e-taġhāful ke bhī

ba.az auqāt to mafhūm ajab jāgte haiñ

sahm jaate haiñ muñDeroñ pe kabūtar 'sayyad'

rāste beḌiyoñ kī chaap se jab jāgte haiñ

shahar-e-ghaflat ke makin waise to kab jagte hain

ek andesha-e-shabKHun hai ki sab jagte hain

shayad ab KHatm hua chahta hai ahd-e-sukut

harf-e-eajaz ki tasir se lab jagte hain

rah-e-gum-karda-e-manzil hain ki manzil ka suragh

kuchh sitare jo sar-e-qarya-e-shab jagte hain

aks in aaankhon se wo mahw hue jo ab tak

KHwab ki misl pas-e-chashm-e-talab jagte hain

harf-e-KHufta ki tarah chashm-e-taghaful ke bhi

baz auqat to mafhum ajab jagte hain

sahm jate hain munDeron pe kabutar 'sayyad'

raste beDiyon ki chap se jab jagte hain