shahid-e-ishq hue qais namwar ki tarah

Meer Anees

shahid-e-ishq hue qais namwar ki tarah

Meer Anees

MORE BYMeer Anees

    shahīd-e-ishq hue qais nāmvar tarah

    jahāñ meñ aib bhī ham ne kiye hunar tarah

    kuchh aaj shaam se chehra hai faq sahar tarah

    Dhalā jaatā huuñ furqat meñ dopahar tarah

    siyāh-baḳhtoñ ko yuuñ baaġh se nikāl ai charḳh

    ki chaar phuul to dāman meñ hoñ sipar tarah

    tamām ḳhalq hai ḳhvāhān-e-ābrū ai rab

    chhupā mujhe sadaf-e-qabr meñ guhar tarah

    tujhī ko dekhūñgā jab tak haiñ barqarār āñkheñ

    mirī nazar na phiregī tirī nazar tarah

    hamārī qabr pe kyā ehtiyāj-e-ambar-o-ūd

    sulag rahā hai har ik ustuḳhvāñ agar tarah

    nahīf-o-zār haiñ kyā zor bāġhbāñ se chale

    jahāñ biThā diyā bas rah ga.e shajar tarah

    tumhāre halqa-ba-goshoñ meñ ek ham bhī haiñ

    paḌā rahe ye suḳhan kaan meñ guhar tarah

    'anīs' yuuñ huā hāl-e-javānī-o-pīri

    baḌhe the naḳhl sūrat gire samar tarah

    shahid-e-ishq hue qais namwar ki tarah

    jahan mein aib bhi hum ne kiye hunar ki tarah

    kuchh aaj sham se chehra hai faq sahar ki tarah

    Dhala hi jata hun furqat mein dopahar ki tarah

    siyah-baKHton ko yun bagh se nikal ai charKH

    ki chaar phul to daman mein hon sipar ki tarah

    tamam KHalq hai KHwahan-e-abru ai rab

    chhupa mujhe sadaf-e-qabr mein guhar ki tarah

    tujhi ko dekhunga jab tak hain barqarar aankhen

    meri nazar na phiregi teri nazar ki tarah

    hamari qabr pe kya ehtiyaj-e-ambar-o-ud

    sulag raha hai har ek ustuKHwan agar ki tarah

    nahif-o-zar hain kya zor baghban se chale

    jahan biTha diya bas rah gae shajar ki tarah

    tumhaare halqa-ba-goshon mein ek hum bhi hain

    paDa rahe ye suKHan kan mein guhar ki tarah

    'anis' yun hua haal-e-jawani-o-piri

    baDhe the naKHl ki surat gire samar ki tarah

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY