shahkar mil gaya hai kisi but-tarash ka

shahkār mil gayā hai kisī but-tarāsh kā

ab intizār ḳhatm hai merī talāsh kā

kuchh log ro rahe haiñ mohabbat ke naam par

mujh ko bhī ek ġham hai vo fikr-e-ma'āsh kā

sach pūchhiye to sulh kā imkān hī nahīñ

ham ko javāb denā hai qāsid kī laash kā

vishvās har kisī pe kiyā har kisī se prem

kāran batā rahā huuñ maiñ apne vināsh kā

is zindagī se merā ta'alluq bhī hai vahī

ummīd se jo rishta purānā hai kaash kā

shahkar mil gaya hai kisi but-tarash ka

ab intizar KHatm hai meri talash ka

kuchh log ro rahe hain mohabbat ke nam par

mujh ko bhi ek gham hai wo fikr-e-ma'ash ka

sach puchhiye to sulh ka imkan hi nahin

hum ko jawab dena hai qasid ki lash ka

wishwas har kisi pe kiya har kisi se prem

karan bata raha hun main apne winash ka

is zindagi se mera ta'alluq bhi hai wahi

ummid se jo rishta purana hai kash ka