aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shahr-ashob likhun shahr-e-tamanna likkhun

Zia Faruqi

shahr-ashob likhun shahr-e-tamanna likkhun

Zia Faruqi

MORE BYZia Faruqi

    shahr-āshob likhūñ shahr-e-tamannā likkhūñ

    ai dayār-e-ġham-e-jānāñ meñ tujhe kyā likhūñ

    nisbateñ saarī adhūrī haiñ to rishta kaisā

    ban ke vo mauj uThe ḳhud ko maiñ dariyā likkhūñ

    be-hisī itnī ki maiñ ḳhud se bhī begāna rahūñ

    dard itnā hai ki begānoñ ko apnā likkhūñ

    husn ke ruup haiñ itne ki qalam hairāñ hai

    ishq meñ Duub jā.ūñ use yaktā likkhūñ

    apne ghar na.ī tārīḳh ke aurāq pe ab

    kahīñ dīmak kahīñ makḌī kahīñ jaalā likkhūñ

    ik nazar sāmne dīvār pe chaspāñ kar ke

    apnā anjām paḌhūñ us sarāpā likhūñ

    umr-bhar ek tasvīr banā.ī maiñ ne

    apnī āvāra-mizājī pe 'ziyā' kyā likkhūñ

    shahr-ashob likhun shahr-e-tamanna likkhun

    ai dayar-e-gham-e-jaanan mein tujhe kya likhun

    nisbaten sari adhuri hain to rishta kaisa

    ban ke wo mauj uThe KHud ko main dariya likkhun

    be-hisi itni ki main KHud se bhi begana rahun

    dard itna hai ki beganon ko apna likkhun

    husn ke rup hain itne ki qalam hairan hai

    ishq mein Dub hi jaun use yakta likkhun

    apne ghar ki nai tariKH ke auraq pe ab

    kahin dimak kahin makDi kahin jala likkhun

    ek nazar samne diwar pe chaspan kar ke

    apna anjam paDhun us ka sarapa likhun

    umr-bhar ek hi taswir banai main ne

    apni aawara-mizaji pe 'ziya' kya likkhun

    Source:

    Pas-e-Gard-e-Safar (Pg. 67)

    • Author: Zia Farooqui
      • Edition: 2009
      • Publisher: Educational Publishing House
      • Year of Publication: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now