shahr-e-ulfat mein diya koi jalate jate

shahr-e-ulfat meñ diyā koī jalāte jaate

mere kūche ke añdhere bhī miTāte jaate

ye mirā ishq hai kamzorī nahīñ hai jānāñ

sar jhukātī huuñ sar-e-rāh jo aate jaate

ye jo palkoñ pe sajo.e hue haiñ motī ham

ye to daulat hai ise kaise luTāte jaate

aap ko dil pe mire raaj agar karnā thā

vasvase pahle mire dil ke miTāte jaate

zinda rahne ke liye ḳhvāb zarūrī hai bahut

so hameñ ḳhvāb nayā koī dikhāte jaate

be-qarārī kī ye manzil nahīñ hotī 'jyotī'

dūriyāñ aap agar mujh se baḌhāte jaate

shahr-e-ulfat mein diya koi jalate jate

mere kuche ke andhere bhi miTate jate

ye mera ishq hai kamzori nahin hai jaanan

sar jhukati hun sar-e-rah jo aate jate

ye jo palkon pe sajoe hue hain moti hum

ye to daulat hai ise kaise luTate jate

aap ko dil pe mere raj agar karna tha

waswase pahle mere dil ke miTate jate

zinda rahne ke liye KHwab zaruri hai bahut

so hamein KHwab naya koi dikhate jate

be-qarari ki ye manzil nahin hoti 'jyoti'

duriyan aap agar mujh se baDhate jate