shahr ka shahr harif-e-lab-o-ruKHsar mila

shahr kā shahr harīf-e-lab-o-ruḳhsār milā

naam merā hī likhā kyuuñ sar-e-dīvār milā

sochte sochte dhuñdlā ga.e yādoñ ke nuqūsh

fikr ko mere na ab tak lab-e-iz.hār milā

mushtahar kar diyā itnā tirī chāhat ne mujhe

naam ghar ghar meñ mirā sūrat-e-aḳhbār milā

jis kī qurbat ko tarastā thā zamāna kal tak

aaj vo shaḳhs akelā sar-e-bāzār milā

merī sachchā.ī ko is vaqt sarāhā tū ne

sar pe jab bāñdh ke maiñ jhuuT kī dastār milā

āñkhoñ āñkhoñ hī meñ lahrā.eñ bahāreñ 'manzar'

ik shajar bhī na bhare baaġh meñ phaldār milā

shahr ka shahr harif-e-lab-o-ruKHsar mila

nam mera hi likha kyun sar-e-diwar mila

sochte sochte dhundla gae yaadon ke nuqush

fikr ko mere na ab tak lab-e-izhaar mila

mushtahar kar diya itna teri chahat ne mujhe

nam ghar ghar mein mera surat-e-aKHbar mila

jis ki qurbat ko tarasta tha zamana kal tak

aaj wo shaKHs akela sar-e-bazar mila

meri sachchai ko is waqt saraha tu ne

sar pe jab bandh ke main jhuT ki dastar mila

aankhon aankhon hi mein lahraen bahaaren 'manzar'

ek shajar bhi na bhare bagh mein phaldar mila