shahr ke log jise teri sitam-zai kahen

shahr ke log jise terī sitam-zā.ī kaheñ

ham bahar-hāl use apnī pazīrā.ī kaheñ

tere ahbāb hameñ ġhair samajhte hī rahe

tere dushman hameñ ab tak tirā shaidā.ī kaheñ

ye sharaf bhī tirī chāhat meñ milā hai ham ko

tere sab chāhne vaale hameñ saudā.ī kaheñ

ham sajāte haiñ shab-o-roz tire zikr ke saath

ham qafas meñ bhī vahī naġhma-e-sahrā.ī kaheñ

laakh TuuTe haiñ suroñ par tirī ulfat meñ pahāḌ

tere dīvāne pahāḌoñ ko magar raa.ī kaheñ

tujh ko shikva hai yahāñ aa ke tujhe bhuul ga.e

ham bhalā kis se qafas meñ ġham-e-tanhā.ī kaheñ

ham ne chāhā tujhe zindāñ kī salāḳhoñ ke evaz

ise nādānī kaheñ yā ise dānā.ī kaheñ

shahr ke log jise teri sitam-zai kahen

hum bahar-haal use apni pazirai kahen

tere ahbab hamein ghair samajhte hi rahe

tere dushman hamein ab tak tera shaidai kahen

ye sharaf bhi teri chahat mein mila hai hum ko

tere sab chahne wale hamein saudai kahen

hum sajate hain shab-o-roz tere zikr ke sath

hum qafas mein bhi wahi naghma-e-sahrai kahen

lakh TuTe hain suron par teri ulfat mein pahaD

tere diwane pahaDon ko magar rai kahen

tujh ko shikwa hai yahan aa ke tujhe bhul gae

hum bhala kis se qafas mein gham-e-tanhai kahen

hum ne chaha tujhe zindan ki salaKHon ke ewaz

ise nadani kahen ya ise danai kahen