shahr mein ek ajab KHak-ba-sar aaya hai

Mahshar Badayuni

shahr mein ek ajab KHak-ba-sar aaya hai

Mahshar Badayuni

MORE BY Mahshar Badayuni

    shahr meñ ek ajab ḳhāk-ba-sar aayā hai

    koī uftād paḌī hai ki idhar aayā hai

    ye to us shahr ke raste bhī samajhte hoñge

    aane vaalā baḌī rāhoñ se guzar aayā hai

    kaun jogī hai kahīñ jis baserā na paḌāv

    kyā musāfir hai ki be-shām-o-sahar aayā hai

    kaisā vahshī hai ki vahshat hadeñ toḌ gayā

    koī sahrā taraf ke bhī ghar aayā hai

    har ḳham-e-jādā khulā sūrat-e-gesū kaisā

    har ḳhat-e-sañg meñ kyā tujh ko nazar aayā hai

    bazm-e-yārāñ nigrāñ ġhol-e-harīfāñ raqsāñ

    ik tamāshā ba-tamāshā-e-digar aayā hai

    zindagī karne lagī shahr ke halqe meñ tavāf

    rāsta koh se dariyā meñ utar aayā hai

    kab uThā bār-e-karam lekin uThā hai is baar

    vaqt gardish meñ kab aayā thā magar aayā hai

    vahī imkān-e-ġhurūb aur vahī sāmān-e-tulū

    safar ḳhatm hai vaqt-e-safar aayā hai

    shahr mein ek ajab KHak-ba-sar aaya hai

    koi uftad paDi hai ki idhar aaya hai

    ye to us shahr ke raste bhi samajhte honge

    aane wala baDi rahon se guzar aaya hai

    kaun jogi hai kahin jis ka basera na paDaw

    kya musafir hai ki be-sham-o-sahar aaya hai

    kaisa wahshi hai ki wahshat ki haden toD gaya

    koi sahra ki taraf ja ke bhi ghar aaya hai

    har KHam-e-jada khula surat-e-gesu kaisa

    har KHat-e-sang mein kya tujh ko nazar aaya hai

    bazm-e-yaran nigran ghol-e-harifan raqsan

    ek tamasha ba-tamasha-e-digar aaya hai

    zindagi karne lagi shahr ke halqe mein tawaf

    rasta koh se dariya mein utar aaya hai

    kab uTha bar-e-karam lekin uTha hai is bar

    waqt gardish mein kab aaya tha magar aaya hai

    wahi imkan-e-ghurub aur wahi saman-e-tulu

    ya safar KHatm hai ya waqt-e-safar aaya hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY