shahr mein tere mera koi shanasa bhi nahin

Sabir Barari

shahr mein tere mera koi shanasa bhi nahin

Sabir Barari

MORE BYSabir Barari

    shahr meñ tere mirā koī shanāsā bhī nahīñ

    kaun huuñ maiñ ye kisī shaḳhs ne pūchhā bhī nahīñ

    husn-e-maġhrūr ko āñkhoñ meñ basāyā bhī nahīñ

    hirs zahr mirī ruuh meñ utrā bhī nahīñ

    us yādoñ se munavvar huī dil duniyā

    chāñd aisā jo abhī abr se niklā bhī nahīñ

    apnī marzī se qafas ham ne chunā thā sayyād

    is liye tere sitam hameñ shikva bhī nahīñ

    daur-daura hai yahāñ jaur-o-jafā lekin

    dosto ahl-e-vafā shahr meñ anqā bhī nahīñ

    gulsitāñ kaise tujhe sauñp deñ ai dushman-e-gul

    is meñ shāmil to tire ḳhuun qatra bhī nahīñ

    nāḳhudā ġhair kashtī tujhe kyoñ ġham hai

    duur girdāb se kuchh terā safīna bhī nahīñ

    pārsā go ki nahīñ 'sābir'-e-ḳhasta lekin

    aap jaisā use samjhe haiñ to vaisā bhī nahīñ

    shahr mein tere mera koi shanasa bhi nahin

    kaun hun main ye kisi shaKHs ne puchha bhi nahin

    husn-e-maghrur ko aankhon mein basaya bhi nahin

    hirs ka zahr meri ruh mein utra bhi nahin

    us ki yaadon se munawwar hui dil ki duniya

    chand aisa jo abhi abr se nikla bhi nahin

    apni marzi se qafas hum ne chuna tha sayyaad

    is liye tere sitam ka hamein shikwa bhi nahin

    daur-daura hai yahan jaur-o-jafa ka lekin

    dosto ahl-e-wafa shahr mein anqa bhi nahin

    gulsitan kaise tujhe saunp den ai dushman-e-gul

    is mein shamil to tere KHun ka qatra bhi nahin

    naKHuda ghair ki kashti ka tujhe kyon gham hai

    dur girdab se kuchh tera safina bhi nahin

    parsa go ki nahin 'sabir'-e-KHasta lekin

    aap jaisa use samjhe hain to waisa bhi nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY