shajar samajh ke mera ehtiram karte hain

Abbas Tabish

shajar samajh ke mera ehtiram karte hain

Abbas Tabish

MORE BYAbbas Tabish

    shajar samajh ke mirā ehtirām karte haiñ

    parinde raat ko mujh meñ qayām karte haiñ

    suno tum āḳhir-e-shab guftugū daraḳhtoñ

    ye kam-kalām bhī kyā kyā kalām karte haiñ

    kahāñ zindagī ham ko to sharm maar ga.ī

    ki terī chiiz hai aur tere naam karte haiñ

    hameñ to is liye jā-e-namāz chāhiye hai

    ki ham vajūd se bāhar qayām karte haiñ

    agar kabhī mujhe maujūdgāñ se fursat ho

    to raftagāñ mirī nīndeñ harām karte haiñ

    lahū ke ghūñT na piitā to aur kyā kartā

    vo kah rahe the tirā intizām karte haiñ

    hameñ samā.at-e-be-lafz ijāzat hai

    hamāre saath parinde kalām karte haiñ

    abhī to ghar meñ na baiTheñ kaho buzurgoñ se

    abhī to shahr ke bachche salām karte haiñ

    shajar samajh ke mera ehtiram karte hain

    parinde raat ko mujh mein qayam karte hain

    suno tum aaKHir-e-shab guftugu daraKHton ki

    ye kam-kalam bhi kya kya kalam karte hain

    kahan ki zindagi hum ko to sharm mar gai

    ki teri chiz hai aur tere nam karte hain

    hamein to is liye ja-e-namaz chahiye hai

    ki hum wajud se bahar qayam karte hain

    agar kabhi mujhe maujudgan se fursat ho

    to raftagan meri ninden haram karte hain

    lahu ke ghunT na pita to aur kya karta

    wo kah rahe the tera intizam karte hain

    hamein samaat-e-be-lafz ki ijazat hai

    hamare sath parinde kalam karte hain

    abhi to ghar mein na baiThen kaho buzurgon se

    abhi to shahr ke bachche salam karte hain

    Source :
    • Book : Ishq Abaad (kulliyat) (Pg. 657)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY