sham-e-mahfil ho ke bhi girwida-e-mahfil nahin

sham-e-mahfil ho ke bhī girvīda-e-mahfil nahīñ

maiñ huuñ duniyā meñ magar duniyā meñ merā dil nahīñ

mere dil kī dhaḌkaneñ jab tak haiñ tūfāñ saiñkaḌoñ

mauj betābī hai merī zindagī sāhil nahīñ

ye namāzoñ meñ ḳhayāl-e-jannat-e-hūr-o-qasūr

zāhid-e-kaj-bīñ abhī nau-mashq hai kāmil nahīñ

be-niyāz-e-fikr-e-manzil be-ḳhudī ne kar diyā

ab mire dāman pe dāġh-e-hasrat-e-manzil nahīñ

nā-ḳhudā kyuuñ āsmāñ ko tak rahā hai baar baar

ruḳh udhar kashtī kā ab kar de jidhar sāhil nahīñ

ik dil-e-dīvāna thā jaatā rahā jaane bhī do

ye kaho kyuuñ āj-kal sī raunaq-e-mahfil nahīñ

merī fitrat hī nahīñ 'qaisar' ki maiñ chhup kar piyūñ

jis meñ khaTkā ho vo jannat bhī mire qābil nahīñ

sham-e-mahfil ho ke bhi girwida-e-mahfil nahin

main hun duniya mein magar duniya mein mera dil nahin

mere dil ki dhaDkanen jab tak hain tufan sainkaDon

mauj betabi hai meri zindagi sahil nahin

ye namazon mein KHayal-e-jannat-e-hur-o-qasur

zahid-e-kaj-bin abhi nau-mashq hai kaamil nahin

be-niyaz-e-fikr-e-manzil be-KHudi ne kar diya

ab mere daman pe dagh-e-hasrat-e-manzil nahin

na-KHuda kyun aasman ko tak raha hai bar bar

ruKH udhar kashti ka ab kar de jidhar sahil nahin

ek dil-e-diwana tha jata raha jaane bhi do

ye kaho kyun aaj-kal si raunaq-e-mahfil nahin

meri fitrat hi nahin 'qaisar' ki main chhup kar piyun

jis mein khaTka ho wo jannat bhi mere qabil nahin