aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sham-e-tanha ki tarah subh ke tare jaise

Irfan Siddiqi

sham-e-tanha ki tarah subh ke tare jaise

Irfan Siddiqi

MORE BYIrfan Siddiqi

    sham-e-tanhā tarah sub.h ke taare jaise

    shahr meñ ek do hoñge hamāre jaise

    chhū gayā thā kabhī is jism ko ik shola-e-dard

    aaj tak ḳhaak se uḌte haiñ sharāre jaise

    hausle detā hai ye abr-e-gurezāñ kyā kyā

    zinda huuñ dasht meñ ham us ke sahāre jaise

    saḳht-jāñ ham koī tum ne na dekhā hogā

    ham ne qātil ka.ī dekhe haiñ tumhāre jaise

    dīdanī hai mujhe siine se lagānā us

    apne shānoñ se koī bojh utāre jaise

    ab jo chamkā hai ye ḳhanjar to ḳhayāl aatā hai

    tujh ko dekhā ho kabhī nahr kināre jaise

    us āñkheñ haiñ ki ik Dūbne vaalā insāñ

    dūsre Dūbne vaale ko pukāre jaise

    sham-e-tanha ki tarah subh ke tare jaise

    shahr mein ek hi do honge hamare jaise

    chhu gaya tha kabhi is jism ko ek shola-e-dard

    aaj tak KHak se uDte hain sharare jaise

    hausle deta hai ye abr-e-gurezan kya kya

    zinda hun dasht mein hum us ke sahaare jaise

    saKHt-jaan hum sa koi tum ne na dekha hoga

    hum ne qatil kai dekhe hain tumhaare jaise

    didani hai mujhe sine se lagana us ka

    apne shanon se koi bojh utare jaise

    ab jo chamka hai ye KHanjar to KHayal aata hai

    tujh ko dekha ho kabhi nahr kinare jaise

    us ki aankhen hain ki ek Dubne wala insan

    dusre Dubne wale ko pukare jaise

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now