shama kyon aane lagi mere siyah-KHane tak

Abdur Rahman Asif

shama kyon aane lagi mere siyah-KHane tak

Abdur Rahman Asif

MORE BYAbdur Rahman Asif

    sham.a kyoñ aane lagī mere siyah-ḳhāne tak

    duur mujh soḳhta-sāmāñ se haiñ parvāne tak

    hameñ mahrūm na rakh sāġhar-e-mai se saaqī

    muddatoñ meñ kabhī aa jaate haiñ maiḳhāne tak

    husn ne bāñdhā hai nā-qābil-e-tasḳhīr tilism

    apne afsūn-e-nazar se mire afsāne tak

    maiñ to maiñ huuñ dar-o-dīvār bichhā.eñ āñkheñ

    kabhī tum aa ke to dekho mire kāshāne tak

    furqat-e-gul meñ jo garm-e-fuġhāñ hai bulbul

    aag lag jaa.e na gulshan meñ bahār aane tak

    chashm tar hotī hai jis vaqt pighaltā hai dil

    baḌī mushkil se ye mai aatī hai paimāne tak

    shiddat-e-karb hai tamhīd sukūñ lekin

    jaan par guzregī kyā dil ko qarār aane tak

    abhī āñkhoñ ko de bazm meñ gardish saaqī

    yahī paimāne chhalakte raheñ jaam aane tak

    de na de saath mirā gardish-e-daurāñ 'āsif'

    zinda rahnā hai bahar-hāl qazā aane tak

    shama kyon aane lagi mere siyah-KHane tak

    dur mujh soKHta-saman se hain parwane tak

    hamein mahrum na rakh saghar-e-mai se saqi

    muddaton mein kabhi aa jate hain maiKHane tak

    husn ne bandha hai na-qabil-e-tasKHir tilism

    apne afsun-e-nazar se mere afsane tak

    main to main hun dar-o-diwar bichhaen aankhen

    kabhi tum aa ke to dekho mere kashane tak

    furqat-e-gul mein jo tu garm-e-fughan hai bulbul

    aag lag jae na gulshan mein bahaar aane tak

    chashm tar hoti hai jis waqt pighalta hai dil

    baDi mushkil se ye mai aati hai paimane tak

    shiddat-e-karb hai tamhid sukun ki lekin

    jaan par guzregi kya dil ko qarar aane tak

    abhi aankhon hi ko de bazm mein gardish saqi

    yahi paimane chhalakte rahen jam aane tak

    de na de sath mera gardish-e-dauran 'asif'

    zinda rahna hai bahar-haal qaza aane tak

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now