shar pasandī ko bhī shahkār batāne vaale
tū bhī mahfūz nahīñ aag lagāne vaale
vo to zālim hai to phir us se shikāyat kyoñ hai
apnī hastī ko haiñ ḳhud aap miTāne vaale
khanDaroñ se vo sabaq lete nahīñ haiñ shāyad
haiñ zamāne meñ abhī ḳhvāb sajāne vaale
mil ga.e ḳhaak meñ fir.aun-e-zamāna yaaro
sab musāfir isī duniyā se haiñ jaane vaale
zindagī ḳhud hī har ādāb sikhā detī hai
baḌe aa.e mujhe ādāb sikhāne vaale
pūchhte kyā ho sitamgar kī kahānī mujh se
choT par choT lagāte haiñ zamāne vaale
sone chāñdī ke ḳhudāoñ ko girāñ guzregā
'shāh' kāġhaz ko karāmāt batāne vaale
shar pasandi ko bhi shahkar batane wale
tu bhi mahfuz nahin aag lagane wale
wo to zalim hai to phir us se shikayat kyon hai
apni hasti ko hain KHud aap miTane wale
khanDaron se wo sabaq lete nahin hain shayad
hain zamane mein abhi KHwab sajaane wale
mil gae KHak mein firaun-e-zamana yaro
sab musafir isi duniya se hain jaane wale
zindagi KHud hi har aadab sikha deti hai
baDe aae mujhe aadab sikhane wale
puchhte kya ho sitamgar ki kahani mujh se
choT par choT lagate hain zamane wale
sone chandi ke KHudaon ko giran guzrega
'shah' kaghaz ko karamat batane wale
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.