sharāb aa.e to kaif-o-asar kī baat karo
piyo to bazm meñ fikr-o-nazar kī baat karo
fasāna-e-ḳham-e-gesū meñ kaif kuchh bhī nahīñ
nizām-e-ālam-e-zer-o-zabar kī baat karo
chaman meñ daam bichhātā hai vaqt kā sayyād
guloñ se hausla-e-bāl-o-par kī baat karo
qabā-e-zohd kī pākīzgī to dekh chuke
sharāb-ḳhāne meñ dāmān-e-tar kī baat karo
kahāniyāñ shab-e-hijrāñ kī ho chukī haiñ tamām
sahar tulūa huī hai sahar kī baat karo
chaman chaman meñ udhar ho rahī hai had-bandī
khulī fazā.eñ jidhar haiñ udhar kī baat karo
guloñ kā zikr bahāroñ meñ kar chuke 'aḳhtar'
ab aao hosh meñ barq-o-sharar kī baat karo
sharab aae to kaif-o-asar ki baat karo
piyo to bazm mein fikr-o-nazar ki baat karo
fasana-e-KHam-e-gesu mein kaif kuchh bhi nahin
nizam-e-alam-e-zer-o-zabar ki baat karo
chaman mein dam bichhata hai waqt ka sayyaad
gulon se hausla-e-baal-o-par ki baat karo
qaba-e-zohd ki pakizgi to dekh chuke
sharab-KHane mein daman-e-tar ki baat karo
kahaniyan shab-e-hijran ki ho chuki hain tamam
sahar tulua hui hai sahar ki baat karo
chaman chaman mein udhar ho rahi hai had-bandi
khuli fazaen jidhar hain udhar ki baat karo
gulon ka zikr bahaaron mein kar chuke 'aKHtar'
ab aao hosh mein barq-o-sharar ki baat karo
Source:
Dil-e-ruswa (Pg. E-43 B-40)
-
Author:
Akhtar Ansari Akbarabadi
-
- Publisher: Halqa-e-Arbab, Karachi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.