sharab-e-nab ko munh se zara laga waiz

sharāb-e-nāb ko muñh se zarā lagā vaa.iz

mai-e-tuhūr kā maiñ vasf sun chukā vaa.iz

tirī tarah nahīñ toḌā kabhī kisī kā dil

jo ham ne toḌī bhī tauba to kyā huā vaa.iz

maiñ jāntā huuñ haqīqat bahisht-o-dozaḳh kī

ḳhudā ke vāste bāteñ na tū banā vaa.iz

gunāh-gār haiñ ham zaat hai ġhafūr us kī

ḳhudā ḳhudā kar are tū nahīñ ḳhudā vaa.iz

sharab-e-nab ko munh se zara laga waiz

mai-e-tuhur ka main wasf sun chuka waiz

teri tarah nahin toDa kabhi kisi ka dil

jo hum ne toDi bhi tauba to kya hua waiz

main jaanta hun haqiqat bahisht-o-dozaKH ki

KHuda ke waste baaten na tu bana waiz

gunah-gar hain hum zat hai ghafur us ki

KHuda KHuda kar are tu nahin KHuda waiz