sharāb la.al-e-lab-e-dil-barāñ hai mujh kuuñ mubāh
ab aish-o-ishrat-e-donoñ-jahāñ hai mujh kuuñ mubāh
yahī hai farq ham aur tum munīñ sun ai zāhid
vahāñ jo tujh ko milegā yahāñ hai mujh kuuñ mubāh
jinhoñ ke tīr-e-mizha dil kuuñ phoḌ chalte haiñ
vo shoḳh dilbar-e-abrū-kamāñ hai mujh kuuñ mubāh
sharāb o shāhid o ḳhalvat siyāh-mastī hosh
isī jahān munīñ begamāñ hai mujh kuuñ mubāh
ḳharāb duḳhtar-e-raz ke hue haiñ sab 'yakrū'
ajab ki shaiḳh kahe hai kahāñ hai mujh kuuñ mubāh
sharab lal-e-lab-e-dil-baran hai mujh kun mubah
ab aish-o-ishrat-e-donon-jahan hai mujh kun mubah
yahi hai farq hum aur tum munin sun ai zahid
wahan jo tujh ko milega yahan hai mujh kun mubah
jinhon ke tir-e-mizha dil kun phoD chalte hain
wo shoKH dilbar-e-abru-kaman hai mujh kun mubah
sharab o shahid o KHalwat siyah-masti hosh
isi jahan munin begaman hai mujh kun mubah
KHarab duKHtar-e-raz ke hue hain sab 'yakru'
ajab ki shaiKH kahe hai kahan hai mujh kun mubah
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
