sharāb pī ke bhī mast-e-sharāb ho na sakā
tirā ḳharāb-e-mohabbat ḳharāb ho na sakā
isī pe ḳhatm haiñ nākāmiyāñ zamāne kī
tirī janāb meñ jo kāmyāb ho na sakā
tirī atā ke tasadduq tire karam ke nisār
gunāhgār thā lekin azaab ho na sakā
vufūr-e-husn kī vo shoḳhiyāñ ma.āz-allāh
shabāb tābe-e-ahd-e-shabāb ho na sakā
ḳharāb-e-ishq tirā ho ke saarī duniyā meñ
kisī kā bhī dil-e-ḳhāna-ḳharāb ho na sakā
uThī na arz-e-tamannā pe ḳhashmagīñ ho kar
tirī nigāh kā mujh par itaab ho na sakā
hazār rañg the lekin thā ek hī jalva
kamāl husn kā tere javāb ho na sakā
dalīl-e-pastī auj-e-falak hai ye 'afqar'
ki ḳhāk-bos-s-dar-e-bū-turāb ho na sakā
sharab pi ke bhi mast-e-sharab ho na saka
tera KHarab-e-mohabbat KHarab ho na saka
isi pe KHatm hain nakaamiyan zamane ki
teri janab mein jo kaamyab ho na saka
teri ata ke tasadduq tere karam ke nisar
gunahgar tha lekin azab ho na saka
wufur-e-husn ki wo shoKHiyan maaz-allah
shabab tabe-e-ahd-e-shabab ho na saka
KHarab-e-ishq tera ho ke sari duniya mein
kisi ka bhi dil-e-KHana-KHarab ho na saka
uThi na arz-e-tamanna pe KHashmagin ho kar
teri nigah ka mujh par itab ho na saka
hazar rang the lekin tha ek hi jalwa
kamal husn ka tere jawab ho na saka
dalil-e-pasti auj-e-falak hai ye 'afqar'
ki KHak-bos-s-dar-e-bu-turab ho na saka
Source:
Nazargah (Pg. 99)
-
Author:
Afqar Mohani
-
- Publisher: Siddique Book Depot, Lucknow
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.