sharāfat chhīn letī hai sadāqat chhīn letī hai
qalam-kāroñ se ḳhuddārī zarūrat chhīn letī hai
riyā-kārī se bachiye ye bahut zahrīlī nāgin hai
ye nāgin zindagī bhar kī 'ibādat chhīn letī hai
zamāne meñ zarūrī hai bahut tā'līm kā honā
jahālat aadmī se ādmiyyat chhīn letī hai
bharī ho jeb to insāñ nashe meñ chuur rahtā hai
zarā sī tang-dastī sab nazākat chhīn letī hai
agar jannat kī chāhat hai to ḳhidmat shart hai maañ kī
agar maañ ruuTh jaatī hai to jannat chhīn letī hai
jahāñ tak ho sake 'ālam kisī se qarz mat lenā
miyāñ ye qarz-dārī ḳhair-o-barkat chhīn letī hai
sharafat chhin leti hai sadaqat chhin leti hai
qalam-karon se KHuddari zarurat chhin leti hai
riya-kari se bachiye ye bahut zahrili nagin hai
ye nagin zindagi bhar ki 'ibaadat chhin leti hai
zamane mein zaruri hai bahut ta'lim ka hona
jahaalat aadmi se aadmiyyat chhin leti hai
bhari ho jeb to insan nashe mein chur rahta hai
zara si tang-dasti sab nazakat chhin leti hai
agar jannat ki chahat hai to KHidmat shart hai man ki
agar man ruTh jati hai to jannat chhin leti hai
jahan tak ho sake 'alam kisi se qarz mat lena
miyan ye qarz-dari KHair-o-barkat chhin leti hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.