sharār-e-jāñ se guzar gardish-e-lahū meñ aa
ab ai nigār-e-tamannā mire subū meñ aa
mujhe pukār mirī bāz-gasht kī mānind
mire ḳhamīr se uTh merī guftugū meñ aa
tire liye to libās-e-ġhazal hai nā-kāfī
qarār-e-jāñ tū kisī aur rañg-o-bū meñ aa
maiñ tishna-lab huuñ sar-e-dasht-e-āgahī kab se
sabīl tū hai to sahrā-e-justujū meñ aa
tujhe to halqa-e-dānish-varāñ se kyā nisbat
tū 'āzmī' kisī tash.hīr-e-kū-ba-kū meñ aa
sharar-e-jaan se guzar gardish-e-lahu mein aa
ab ai nigar-e-tamanna mere subu mein aa
mujhe pukar meri baz-gasht ki manind
mere KHamir se uTh meri guftugu mein aa
tere liye to libas-e-ghazal hai na-kafi
qarar-e-jaan tu kisi aur rang-o-bu mein aa
main tishna-lab hun sar-e-dasht-e-agahi kab se
sabil tu hai to sahra-e-justuju mein aa
tujhe to halqa-e-danish-waran se kya nisbat
tu 'azmi' kisi tashhir-e-ku-ba-ku mein aa
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.