sharara sifat sard aahon mein tha

sharāra sifat sard aahoñ meñ thā

mirā maiñ mirī apnī bāñhoñ meñ thā

havāoñ se kyā nashr hotā ki jo

sadāoñ kī sūrat nigāhoñ meñ thā

vahāñ se uḌā aañkh meñ bhar gayā

jahāñ-gard maiñ terī rāhoñ meñ thā

kabhī soch lenā abas to nahīñ

mazā dard kā jin karāhoñ meñ thā

tire thartharāte laboñ ke nisār

ajab ġhul samā.at-panāhoñ meñ thā

mire jism kā ek hissa 'ġhayūr'

sadā hī se lithḌā gunāhoñ meñ thā

sharara sifat sard aahon mein tha

mera main meri apni banhon mein tha

hawaon se kya nashr hota ki jo

sadaon ki surat nigahon mein tha

wahan se uDa aankh mein bhar gaya

jahan-gard main teri rahon mein tha

kabhi soch lena abas to nahin

maza dard ka jin karahon mein tha

tere thartharaate labon ke nisar

ajab ghul samaat-panahon mein tha

mere jism ka ek hissa 'ghayur'

sada hi se lithDa gunahon mein tha