sharah-e-bedardi-e-hālāt na hone paa.ī
ab ke bhī dil kī mudārāt na hone paa.ī
phir vahī va.ada jo iqrār na banñe paayā
phir vahī baat jo isbāt na hone paa.ī
phir vo parvāne jinheñ izn-e-shahādat na milā
phir vo sham.eñ ki jinheñ raat na hone paa.ī
phir vahī jāñ-ba-labī lazzat-e-mai se pahle
phir vo mahfil jo ḳharābāt na hone paa.ī
phir dam-e-dīd rahe chashm o nazar dīd-talab
phir shab-e-vasl mulāqāt na hone paa.ī
phir vahāñ bāb-e-asar jāniye kab band huā
phir yahāñ ḳhatm munājāt na hone paa.ī
'faiz' sar par jo har ik roz qayāmat guzrī
ek bhī roz mukāfāt na hone paa.ī
sharah-e-bedardi-e-haalat na hone pai
ab ke bhi dil ki mudaraat na hone pai
phir wahi wada jo iqrar na banne paya
phir wahi baat jo isbaat na hone pai
phir wo parwane jinhen izn-e-shahadat na mila
phir wo shamen ki jinhen raat na hone pai
phir wahi jaan-ba-labi lazzat-e-mai se pahle
phir wo mahfil jo KHarabaat na hone pai
phir dam-e-did rahe chashm o nazar did-talab
phir shab-e-wasl mulaqat na hone pai
phir wahan bab-e-asar jaaniye kab band hua
phir yahan KHatm munajat na hone pai
'faiz' sar par jo har ek roz qayamat guzri
ek bhi roz mukafat na hone pai
Source:
Nuskha Hai Wafa (Pg. 459)
Source:
Nuskha Hai Wafa (Pg. 457)
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.