sharh-e-firāq mad.h-e-lab-e-mushkbū kareñ
ġhurbat-kade meñ kis se tirī guftugū kareñ
yaar āshnā nahīñ koī Takrā.eñ kis se jaam
kis dil-rubā ke naam pe ḳhālī subū kareñ
siine pe haath hai na nazar ko talāsh-e-bām
dil saath de to aaj ġham-e-ārzū kareñ
kab tak sunegī raat kahāñ tak sunā.eñ ham
shikve-gile sab aaj tire rū-ba-rū kareñ
hamdam hadīs-e-kū-e-malāmat sunā.iyo
dil ko lahū kareñ yā garebāñ rafū kareñ
āshufta-sar haiñ muhtasibo muñh na aa.iyo
sar bech deñ to fikr-e-dil-o-jāñ adū kareñ
''tar-dāmanī pe shaiḳh hamārī na jā.iyo
dāman nichoḌ deñ to farishte vuzū kareñ''
sharh-e-firaq madh-e-lab-e-mushkbu karen
ghurbat-kade mein kis se teri guftugu karen
yar aashna nahin koi Takraen kis se jam
kis dil-ruba ke nam pe KHali subu karen
sine pe hath hai na nazar ko talash-e-baam
dil sath de to aaj gham-e-arzu karen
kab tak sunegi raat kahan tak sunaen hum
shikwe-gile sab aaj tere ru-ba-ru karen
hamdam hadis-e-ku-e-malamat sunaiyo
dil ko lahu karen ya gareban rafu karen
aashufta-sar hain muhtasibo munh na aaiyo
sar bech den to fikr-e-dil-o-jaan adu karen
tar-damani pe shaiKH hamari na jaiyo
daman nichoD den to farishte wuzu karen
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.