sharminda nahīñ kaun tirī ishva-garī kā
be-vaj.h nahīñ muñh kā chhupānā hai parī kā
jo lab ko tire dekh ke behosh na hove
da.avā usī ko bhātā hai sāhab-jigarī kā
tum dil hī meñ palte rahe ho sīkhā kahāñ se
ai ashk ye sheva jo liyā parda-darī kā
jis tarah sune mujh se kahe yaar se jā kar
ye Dhab kisī ko aatā hai paiġhāmbarī kā
patthar se hoñ dil yak-nigah-e-garm meñ paanī
hai ishq se ījād hunar shīshagarī kā
chal ā.ina-ḳhāne meñ ki hai zor-e-tamāshā
jis tarf nazar kījiye aalam hai parī kā
afsos shab-e-hijr kī shaam aate hī mar ga.e
kyā kyā thā bharosa hameñ āh-e-saharī kā
kar qatl mujhe shauq se badnāmī se mat Dar
dastūr nahīñ kushte pe yaañ nauhagarī kā
hairān huuñ aa.ī na nazar meñ kamar us kī
da.avā thā mujhe apnī 'razā' dīda-varī kā
sharminda nahin kaun teri ishwa-gari ka
be-wajh nahin munh ka chhupana hai pari ka
jo lab ko tere dekh ke behosh na howe
dawa usi ko bhata hai sahab-jigari ka
tum dil hi mein palte rahe ho sikha kahan se
ai ashk ye shewa jo liya parda-dari ka
jis tarah sune mujh se kahe yar se ja kar
ye Dhab kisi ko aata hai paighambari ka
patthar se hon dil yak-nigah-e-garm mein pani
hai ishq se ijad hunar shishagari ka
chal aaina-KHane mein ki hai zor-e-tamasha
jis tarf nazar kijiye aalam hai pari ka
afsos shab-e-hijr ki sham aate hi mar gae
kya kya tha bharosa hamein aah-e-sahari ka
kar qatl mujhe shauq se badnami se mat Dar
dastur nahin kushte pe yan nauhagari ka
hairan hun aai na nazar mein kamar us ki
dawa tha mujhe apni 'raza' dida-wari ka
Source:
Deewan-e-Raza Azeemabadi (Pg. ebook-37 page-15)
-
Author:
Qazi Abdul Wadood
-
- Edition: 1956
- Publisher: Idara-e-Tahqiqat-e-Urdu, Patna
- Year of Publication: 1984
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.