shauq-e-didar ne kya kya na tamasha dekha

shauq-e-dīdār ne kyā kyā na tamāshā dekhā

jān-e-man kaise batā.eñ tumheñ kyā kyā dekhā

zindagī aag hai aur aag kī ḳhātir ham ne

diip kī aañkh meñ jaltā huā chehrā dekhā

maiñ ne lamhoñ meñ guzārī haiñ hazāroñ sadiyāñ

vaqt kī dhuup meñ pighlā huā dariyā dekhā

sub.h raushan ne utārī haiñ sitārī āñkheñ

shāḳh-e-shamshād ne gulshan kā darīcha dekhā

rāz-e-hastī meñ zamīñ saarī tasavvur niklī

āsmāñ apne taḳhayyul kā sahīfa dekhā

dāġh-e-dāman ko chhupā.e hue phirtī hai havā

rang-o-āhang se badlā huā shīsha dekhā

merī āñkhoñ meñ machaltī huī yādeñ us kī

jām-e-ulfat se chhalaktā huā pyāla dekhā

shauq-e-didar ne kya kya na tamasha dekha

jaan-e-man kaise bataen tumhein kya kya dekha

zindagi aag hai aur aag ki KHatir hum ne

dip ki aankh mein jalta hua chehra dekha

main ne lamhon mein guzari hain hazaron sadiyan

waqt ki dhup mein pighla hua dariya dekha

subh raushan ne utari hain sitari aankhen

shaKH-e-shamshad ne gulshan ka daricha dekha

raaz-e-hasti mein zamin sari tasawwur nikli

aasman apne taKHayyul ka sahifa dekha

dagh-e-daman ko chhupae hue phirti hai hawa

rang-o-ahang se badla hua shisha dekha

meri aankhon mein machalti hui yaaden us ki

jam-e-ulfat se chhalakta hua pyala dekha