shauq-e-izhaar hai karna bhi nahin chahte hain

shauq-e-iz.hār hai karnā bhī nahīñ chāhte haiñ

apne va.ade se mukarnā bhī nahīñ chāhte haiñ

koī to hai mujhe jiine kī duā detā hai

ham tire ishq meñ marnā bhī nahīñ chāhte haiñ

tujh se milne kī tamannā bhī bahut hai dil meñ

tire kūche se guzarnā bhī nahīñ chāhte haiñ

dil ye kahtā hai simaT jaa.eñ tirī bāñhoñ meñ

bū-e-gul ban ke bikharnā bhī nahīñ chāhte haiñ

jhāñkte haiñ mirī āñkhoñ meñ bachā kar nazreñ

go ba-zāhir vo sañvarnā bhī nahīñ chāhte haiñ

de ke āvāz koī rok rahā kab se

aur ham haiñ ki Thaharnā bhī nahīñ chāhte haiñ

log sāhil pe khaḌe DhūñDh rahe haiñ motī

bahte paanī meñ utarnā bhī nahīñ chāhte haiñ

shauq-e-izhaar hai karna bhi nahin chahte hain

apne wade se mukarna bhi nahin chahte hain

koi to hai mujhe jine ki dua deta hai

hum tere ishq mein marna bhi nahin chahte hain

tujh se milne ki tamanna bhi bahut hai dil mein

tere kuche se guzarna bhi nahin chahte hain

dil ye kahta hai simaT jaen teri banhon mein

bu-e-gul ban ke bikharna bhi nahin chahte hain

jhankte hain meri aankhon mein bacha kar nazren

go ba-zahir wo sanwarna bhi nahin chahte hain

de ke aawaz koi rok raha kab se

aur hum hain ki Thaharna bhi nahin chahte hain

log sahil pe khaDe DhunDh rahe hain moti

bahte pani mein utarna bhi nahin chahte hain