shauq us ka humne wasl mein bedar kar diya

shauq us kā ham ne vasl meñ bedār kar diyā

jiinā phir ham ne apnā hī dushvār kar diyā

saaqī ne apnī kaifiyat-e-ḳhās mujh ko dī

mai se nahīñ adāoñ se sarshār kar diyā

us kī jhalak bhī pā na sake chhin gayā sukūñ

dil ḳhuun merā ḳhvāhish-e-dīdār kar diyā

fāriġh kiyā jahāñ kī tamannāoñ se hameñ

us kā karam hai apnā talabgār kar diyā

ḳhuuñ aarzū ko karne meñ lohe lage magar

ye kaam ham ne aap kā sarkār kar diyā

maiñ sab samajh gayā jo mujhe yār-e-ġhār ne

uñglī laboñ pe rakh ke ḳhabar-dār kar diyā

āḳhir mirī nigāh ko paḌh hī liyā 'suhail'

us ne mire irāde ko gulnār kar diyā

shauq us ka hum ne wasl mein bedar kar diya

jina phir hum ne apna hi dushwar kar diya

saqi ne apni kaifiyat-e-KHas mujh ko di

mai se nahin adaon se sarshaar kar diya

us ki jhalak bhi pa na sake chhin gaya sukun

dil KHun mera KHwahish-e-didar kar diya

farigh kiya jahan ki tamannaon se hamein

us ka karam hai apna talabgar kar diya

KHun aarzu ko karne mein lohe lage magar

ye kaam hum ne aap ka sarkar kar diya

main sab samajh gaya jo mujhe yar-e-ghaar ne

ungli labon pe rakh ke KHabar-dar kar diya

aaKHir meri nigah ko paDh hi liya 'suhail'

us ne mere irade ko gulnar kar diya