aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mujhko samjho yaadgar-e-raftagan-e-lucknow

Nazm Tabatabai

mujhko samjho yaadgar-e-raftagan-e-lucknow

Nazm Tabatabai

MORE BYNazm Tabatabai

    mujh ko samjho yādgār-e-raftagān-e-lucknow

    huuñ qadd-e-āmdam ġhubār-e-kārvān-e-lucknow

    ḳhūn-e-hasrat kah rahā hai dāstān-e-lucknow

    rah gayā hai ab yahī rañgīñ-bayān-e-lucknow

    gosh-e-ibrat se sune koī mirī fariyād hai

    bulbul-e-ḳhūnīñ navā-e-bostān-e-lucknow

    mere har aañsū meñ ik ā.īna-e-tasvīr hai

    mere har naale meñ hai tarz-e-fuġhān-e-lucknow

    DhūñDhtā hai ab kise le kar charāġh-e-āftāb

    kyuuñ miTāyā ai falak ne nishān-e-lucknow

    lucknow jin se ibārat thī hue vo nāpadīd

    hai nishān-e-lucknow baaqī na shān-e-lucknow

    ab nazar aatā nahīñ vo majma.a-e-ahl-e-kamāl

    khā ga.e un ko zamīn-o-āsmān-e-lucknow

    pahle thā ahl-e-zabāñ daur ab gardish meñ haiñ

    chāhiye thī teġh-e-urdu ko fasān-e-lucknow

    marsiya-go kitne yaktā-e-zamāna the yahāñ

    koī to itnoñ meñ hotā nauha-ḳhvān-e-lucknow

    ye ġhubār-e-nā-tavāñ ḳhākistar-e-parvāna hai

    ḳhāndān apnā thā sham-e-dūdmān-e-lucknow

    chaltā thā jab ghuTniyoñ apne yahāñ tifl-e-razī.a

    sajda karte the use gardan-kushān-e-lucknow

    ahd-e-pīrāna-sarī meñ kyuuñ na shīrīñ ho suḳhan

    bachpane meñ maiñ ne chūsī hai zabān-e-lucknow

    gulshan-e-firdaus par kyā naaz hai rizvāñ tujhe

    pūchh us ke dil se jo hai rutba-dān-e-lucknow

    bū-e-uns aatī hai 'haidar' ḳhāk-e-maTiyā-burj se

    jam.a haiñ ik vatan-āvārgān-e-lucknow

    mujh ko samjho yaadgar-e-raftagan-e-lucknow

    hun qadd-e-amdam ghubar-e-karwan-e-lucknow

    KHun-e-hasrat kah raha hai dastan-e-lucknow

    rah gaya hai ab yahi rangin-bayan-e-lucknow

    gosh-e-ibrat se sune koi meri fariyaad hai

    bulbul-e-KHunin nawa-e-bostan-e-lucknow

    mere har aansu mein ek aaina-e-taswir hai

    mere har nale mein hai tarz-e-fughan-e-lucknow

    DhunDhta hai ab kise le kar charagh-e-aftab

    kyun miTaya ai falak tu ne nishan-e-lucknow

    lucknow jin se ibarat thi hue wo napadid

    hai nishan-e-lucknow baqi na shan-e-lucknow

    ab nazar aata nahin wo majma-e-ahl-e-kamal

    kha gae un ko zamin-o-asman-e-lucknow

    pahle tha ahl-e-zaban ka daur ab gardish mein hain

    chahiye thi tegh-e-urdu ko fasan-e-lucknow

    marsiya-go kitne yakta-e-zamana the yahan

    koi to itnon mein hota nauha-KHwan-e-lucknow

    ye ghubar-e-na-tawan KHakistar-e-parwana hai

    KHandan apna tha sham-e-dudman-e-lucknow

    chalta tha jab ghuTniyon apne yahan tifl-e-razia

    sajda karte the use gardan-kushan-e-lucknow

    ahd-e-pirana-sari mein kyun na shirin ho suKHan

    bachpane mein main ne chusi hai zaban-e-lucknow

    gulshan-e-firdaus par kya naz hai rizwan tujhe

    puchh us ke dil se jo hai rutba-dan-e-lucknow

    bu-e-uns aati hai 'haidar' KHak-e-maTiya-burj se

    jama hain ek ja watan-awargan-e-lucknow

    Source:

    Deewan-e-Tabatabai (Rekhta Website) (Pg. 180)

    • Author: Nazm Tabatabai
      • Edition: 1933
      • Publisher: Maktaba Ibrahimiya, Hyderabad
      • Year of Publication: 1933

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now