sher kahne ka maza hai ab to
sher kahne kā maza hai ab to
dil kā har zaḳhm harā hai ab to
itnā be-sarfa na thā dil kā lahū
baaġh dāman pe khilā hai ab to
bujh hī jaa.e na kahīñ dil kā charāġh
vāqa.ī tund havā hai ab to
zindagī zindagī hotī thī kabhī
mar na jaane kī sazā hai ab to
thā koī shaḳhs kabhī mahram-e-dil
vo mujhe bhuul chukā hai ab to
ḳhūgar-e-shahr hue dīvāne
chāk-e-dāman bhī siyā hai ab to
dil kā ye haal hamesha to na thā
jaane kyā mujh ko huā hai ab to
sher kahne ka maza hai ab to
dil ka har zaKHm hara hai ab to
itna be-sarfa na tha dil ka lahu
bagh daman pe khila hai ab to
bujh hi jae na kahin dil ka charagh
waqai tund hawa hai ab to
zindagi zindagi hoti thi kabhi
mar na jaane ki saza hai ab to
tha koi shaKHs kabhi mahram-e-dil
wo mujhe bhul chuka hai ab to
KHugar-e-shahr hue diwane
chaak-e-daman bhi siya hai ab to
dil ka ye haal hamesha to na tha
jaane kya mujh ko hua hai ab to
Source:
Rooh-e-Ghazal,Pachas Sala Intekhab (Pg. 284)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
