sher ke parde mein maine gham sunaya hai bahut

sher ke parde meñ maiñ ne ġham sunāyā hai bahut

marsiye ne dil ke mere bhī rulāyā hai bahut

be-sabab aatā nahīñ ab dam-ba-dam āshiq ko ġhash

dard khīñchā hai nihāyat ranj uThāyā hai bahut

vaadī o kohsār meñ rotā huuñ DāḌheñ maar maar

dilbarān-e-shahr ne mujh ko satāyā hai bahut

vā nahīñ hotā kisū se dil girafta ishq kā

zāhiran ġhamgīñ use rahnā ḳhush aayā hai bahut

'mīr' gum-gashta kā milnā ittifāqī amr hai

jab kabhū paayā hai ḳhvāhish-mand paayā hai bahut

sher ke parde mein main ne gham sunaya hai bahut

marsiye ne dil ke mere bhi rulaya hai bahut

be-sabab aata nahin ab dam-ba-dam aashiq ko ghash

dard khincha hai nihayat ranj uThaya hai bahut

wadi o kohsar mein rota hun DaDhen mar mar

dilbaran-e-shahr ne mujh ko sataya hai bahut

wa nahin hota kisu se dil girafta ishq ka

zahiran ghamgin use rahna KHush aaya hai bahut

'mir' gum-gashta ka milna ittifaqi amr hai

jab kabhu paya hai KHwahish-mand paya hai bahut