sher likhne ka faeda kya hai

Abbas Tabish

sher likhne ka faeda kya hai

Abbas Tabish

MORE BYAbbas Tabish

    sher likhne fā.eda kyā hai

    us se kahne ko ab rahā kyā hai

    pahle se tai-shuda mohabbat meñ

    batā terā mashvara kyā hai

    surḳh kyuuñ ho rahe haiñ tere kaan

    maiñ ne tujh se abhī kahā kyā hai

    āñkheñ mal mal ke dekhtā huuñ use

    dopahar meñ ye chāñd kyā hai

    merā ham-asr sub.h taarā

    mere baare meñ jāntā kyā hai

    sochte hoñT boltī āñkheñ

    hairatī mukālima kyā hai

    shor uTh rahā hai chār-taraf

    kuchh girā hai magar girā kyā hai

    maiñ yahāñ se palaTnā chāhtā huuñ

    ai ḳhudā terā mashvara kyā hai

    jism ke us taraf hai gul ābād

    phāñd dīvār dekhtā kyā hai

    merī ḳhud se mufāhamat na huī

    batā terā mas.ala kyā hai

    is liye bolne pe huuñ majbūr

    aap socheñge sochtā kyā hai

    ye bahut der meñ huā ma.alūm

    ishq kyā hai muġhālta kyā hai

    maiñ to aadī huuñ ḳhaak chhānne

    tum batāo ki DhūñDhnā kyā hai

    ishq kar ke bhī khul nahīñ paayā

    terā merā mo.āmla kyā hai

    maiñ banā thā khanaktī miTTī se

    mere andar sukūt kyā hai

    sher likhne ka faeda kya hai

    us se kahne ko ab raha kya hai

    pahle se tai-shuda mohabbat mein

    tu bata tera mashwara kya hai

    surKH kyun ho rahe hain tere kan

    main ne tujh se abhi kaha kya hai

    aankhen mal mal ke dekhta hun use

    dopahar mein ye chand sa kya hai

    mera ham-asr subh ka tara

    mere bare mein jaanta kya hai

    sochte honT bolti aankhen

    hairati ka mukalima kya hai

    shor sa uTh raha hai chaar-taraf

    kuchh gira hai magar gira kya hai

    main yahan se palaTna chahta hun

    ai KHuda tera mashwara kya hai

    jism ke us taraf hai gul aabaad

    phand diwar dekhta kya hai

    meri KHud se mufahamat na hui

    tu bata tera masala kya hai

    is liye bolne pe hun majbur

    aap sochenge sochta kya hai

    ye bahut der mein hua malum

    ishq kya hai mughaalta kya hai

    main to aadi hun KHak chhanne ka

    tum batao ki DhunDhna kya hai

    ishq kar ke bhi khul nahin paya

    tera mera moamla kya hai

    main bana tha khanakti miTTi se

    mere andar sukut sa kya hai

    Source :
    • Book : Ishq Abaab (Pg. 403)
    • Author : Abbas Tabish
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now