shiddat-e-gham mein bhi meri ruh ko taskin hai

shiddat-e-ġham meñ bhī merī ruuh ko taskīn hai

dil ke luT jaane kā yuuñ to vāqi.a sangīn hai

mah-vashoñ kā ye nayā tarz-e-sitam to dekhiye

pūchhte haiñ vo ki ye kis baat par ġhamgīñ hai

baḌh ga.ī hai phuul aur kaliyoñ se kuchh raunaq zarūr

mere hone se ye duniyā kis qadar rangīn hai

kuchh na kuchh baaqī haiñ shāyad aur bhī zulm-o-sitam

kaun jaane kis liye phir sabr kī talqīn hai

log kahte haiñ ki shā.ir kā koī maz.hab nahīñ

husn hai īmān merā ishq merā diin hai

haiñ bahut 'sālik' qamar meñ daaġh dhabbe is liye

chāñd se tashbīh denā husn kī tauhīn hai

shiddat-e-gham mein bhi meri ruh ko taskin hai

dil ke luT jaane ka yun to waqia sangin hai

mah-washon ka ye naya tarz-e-sitam to dekhiye

puchhte hain wo ki ye kis baat par ghamgin hai

baDh gai hai phul aur kaliyon se kuchh raunaq zarur

mere hone se ye duniya kis qadar rangin hai

kuchh na kuchh baqi hain shayad aur bhi zulm-o-sitam

kaun jaane kis liye phir sabr ki talqin hai

log kahte hain ki shair ka koi mazhab nahin

husn hai iman mera ishq mera din hai

hain bahut 'salik' qamar mein dagh dhabbe is liye

chand se tashbih dena husn ki tauhin hai