shikasta chhat na sahi aasman rahne de
shikasta chhat na sahī āsmān rahne de
kaḌā hai vaqt koī sā.ebān rahne de
kuchh aur tañg na ho jaa.e jañgaloñ kā hisār
fasīl-e-shahr abhī darmiyān rahne de
qarīb-e-shahr pahuñch kar ġhubār-e-rāh na jhaaḌ
thake badan pe safar kā nishān rahne de
na chhīn mujh se mire roz-o-shab ke hañgāme
maiñ jī rahā huuñ mujhe ye gumān rahne de
bhaḌak uThe na samundar kī tishnagī 'rāshid'
mirā lahū bhī sar-e-bādbān rahne de
shikasta chhat na sahi aasman rahne de
kaDa hai waqt koi saeban rahne de
kuchh aur tang na ho jae jangalon ka hisar
fasil-e-shahr abhi darmiyan rahne de
qarib-e-shahr pahunch kar ghubar-e-rah na jhaD
thake badan pe safar ka nishan rahne de
na chhin mujh se mere roz-o-shab ke hangame
main ji raha hun mujhe ye guman rahne de
bhaDak uThe na samundar ki tishnagi 'rashid'
mera lahu bhi sar-e-baadban rahne de
Source:
Rooh-e-Ghazal,Pachas Sala Intekhab (Pg. 505)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
