shikasta ghar mein koi chiz bhi nahin puri
shikasta ghar meñ koī chiiz bhī nahīñ puurī
kahīñ havā to kahīñ raushnī nahīñ puurī
maiñ tujh ko dekh to saktā huuñ chhū nahīñ saktā
tū hai magar tirī maujūdgī nahīñ puurī
anā sambhālte dil kho diyā hai maiñ ne vahīñ
tumhāre sāmne se vāpsī nahīñ puurī
maiñ sochtā huuñ ki ab kūza-gar badal hī luuñ
jo mil rahī hai mujhe behtarī nahīñ puurī
maiñ ro rahā huuñ magar sāneha batātā hai
ki us kī aañkh se vābastagī nahīñ puurī
kahīñ to ho jahāñ bachche hī sirf rahte hoñ
kisī ilāqe meñ bhī zindagī nahīñ puurī
shikasta ghar mein koi chiz bhi nahin puri
kahin hawa to kahin raushni nahin puri
main tujh ko dekh to sakta hun chhu nahin sakta
tu hai magar teri maujudgi nahin puri
ana sambhaalte dil kho diya hai main ne wahin
tumhaare samne se wapsi nahin puri
main sochta hun ki ab kuza-gar badal hi lun
jo mil rahi hai mujhe behtari nahin puri
main ro raha hun magar saneha batata hai
ki us ki aankh se wabastagi nahin puri
kahin to ho jahan bachche hi sirf rahte hon
kisi ilaqe mein bhi zindagi nahin puri
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
