shikasta-KHwab-o-shikasta-pa hun mujhe duaon mein yaad rakhna
shikasta-KHwab-o-shikasta-pa hun mujhe duaon mein yaad rakhna
Abbas Tabish
MORE BYAbbas Tabish
shikasta-ḳhvāb-o-shikasta-pā huuñ mujhe duāoñ meñ yaad rakhnā
maiñ āḳhirī jañg laḌ rahā huuñ mujhe duāoñ meñ yaad rakhnā
havā.eñ paiġhām de ga.ī haiñ ki mujh ko dariyā bulā rahā hai
maiñ baat saarī samajh gayā huuñ mujhe duāoñ meñ yaad rakhnā
na jaane kuufe ko kyā ḳhabar ho na jaane kis dasht meñ basar ho
maiñ phir madīne se jā rahā huuñ mujhe duāoñ meñ yaad rakhnā
mujhe azīzān-e-man mohabbat kā koī bhī tajraba nahīñ hai
maiñ is safar meñ nayā nayā huuñ mujhe duāoñ meñ yaad rakhnā
mujhe kis se bhalā.ī kī ab koī tavaqqo.a nahīñ hai 'tābish'
maiñ ādatan sab se kah rahā huuñ mujhe duāoñ meñ yaad rakhnā
shikasta-KHwab-o-shikasta-pa hun mujhe duaon mein yaad rakhna
main aaKHiri jang laD raha hun mujhe duaon mein yaad rakhna
hawaen paigham de gai hain ki mujh ko dariya bula raha hai
main baat sari samajh gaya hun mujhe duaon mein yaad rakhna
na jaane kufe ko kya KHabar ho na jaane kis dasht mein basar ho
main phir madine se ja raha hun mujhe duaon mein yaad rakhna
mujhe azizan-e-man mohabbat ka koi bhi tajraba nahin hai
main is safar mein naya naya hun mujhe duaon mein yaad rakhna
mujhe kis se bhalai ki ab koi tawaqqoa nahin hai 'tabish'
main aadatan sab se kah raha hun mujhe duaon mein yaad rakhna
Source:
Ishq Abaab (Pg. 469)
- Author: Abbas Tabish
-
- Edition: 2011
- Year of Publication: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
