shikasta-paiyan hain jaan-o-dil bhi chur hain saqi

shikasta-pā.iyāñ haiñ jān-o-dil bhī chuur haiñ saaqī

hamīyat ke kaleje meñ baḌe nāsūr haiñ saaqī

idhar ġhairat kī ḳhushkī hai na gūlar hai na berī hai

magar jis samt chamche haiñ udhar añgūr haiñ saaqī

taqarrub-hā-e-afsar hai na aish-e-murġh-o-māhī hai

abhī daftar ke aane par bhī ham majbūr haiñ saaqī

sabhī māsūm-o-sādiq lā.eq-e-tāzīr ho baiThe

tirī sarkār ke kaise ajab dastūr haiñ saaqī

ḳhudī kī pāsdārī meñ sukūn-e-jāñ gañvā baiThe

bayābāñ meñ bhaTakte haiñ chaman se duur haiñ saaqī

siyah halqe haiñ āñkhoñ meñ siyāhī ruḳh pe bikhrī hai

vufūr-e-dard se ghar meñ sabhī lañgūr haiñ saaqī

shikasta-paiyan hain jaan-o-dil bhi chur hain saqi

hamiyat ke kaleje mein baDe nasur hain saqi

idhar ghairat ki KHushki hai na gular hai na beri hai

magar jis samt chamche hain udhar angur hain saqi

taqarrub-ha-e-afsar hai na aish-e-murgh-o-mahi hai

abhi daftar ke aane par bhi hum majbur hain saqi

sabhi masum-o-sadiq laeq-e-tazir ho baiThe

teri sarkar ke kaise ajab dastur hain saqi

KHudi ki pasdari mein sukun-e-jaan ganwa baiThe

bayaban mein bhaTakte hain chaman se dur hain saqi

siyah halqe hain aankhon mein siyahi ruKH pe bikhri hai

wufur-e-dard se ghar mein sabhi langur hain saqi