shikwa hum tujhse bhala tez hawa kya karte

shikva ham tujh se bhalā tez havā kyā karte

ghar to apne hī charāġhoñ se jalā kyā karte

tum to pahle hī vafāoñ se gurezāñ the bahut

tum se ham tark-e-ta.alluq kā gila kyā karte

gul meñ rañgat thī nazāroñ meñ javānī tujh se

ham tire baad bahāroñ kā bhalā kyā karte

tujh se dil meñ jo gila thā vo na laa.e lab par

phir se ham bhar ga.e zaḳhmoñ ko harā kyā karte

ham to kar dete gila tujh se na aane kā tire

ghoñT detī thī par ummīd galā kyā karte

jis kī ulfat meñ har ik chiiz luTā dī 'fayyāz'

ham ko samjhā ga.e ādāb-e-vafā kyā karte

shikwa hum tujh se bhala tez hawa kya karte

ghar to apne hi charaghon se jala kya karte

tum to pahle hi wafaon se gurezan the bahut

tum se hum tark-e-talluq ka gila kya karte

gul mein rangat thi nazaron mein jawani tujh se

hum tere baad bahaaron ka bhala kya karte

tujh se dil mein jo gila tha wo na lae lab par

phir se hum bhar gae zaKHmon ko hara kya karte

hum to kar dete gila tujh se na aane ka tere

ghonT deti thi par ummid gala kya karte

jis ki ulfat mein har ek chiz luTa di 'fayyaz'

hum ko samjha gae aadab-e-wafa kya karte