shikwa karne se koi shaKHs KHafa hota hai

shikva karne se koī shaḳhs ḳhafā hotā hai

aur shikva nahīñ kartā to gila hotā hai

hashr jis se dil-e-mutrib meñ bapā hotā hai

sirf ik naġhma-e-be-saut-o-sadā hotā hai

niiñd aatī nahīñ jis raat tujhe ai dil-e-zār

shāyad us raat koī jaag rahā hotā hai

yuuñ hai vahshat-kada-e-dil meñ tirī yaad ai dost

jaise sahrā meñ koī phuul khilā hotā hai

rūh-e-shā.ir se ubhartā hai surūd-e-abadī

ain us vaqt ki dil Duub rahā hotā hai

dekh to kaun ḳhud-ārā hai pas-e-parda-e-rañg

tukma-e-gul to faqat band-e-qabā hotā hai

aur baḌh jaatī hai kuchh lafz-o-bayāñ kī tāsīr

lafz jab ashk kī sūrat meñ adā hotā hai

gāmzan ruuh huī vādī-e-ḳhāmoshāñ meñ

ḳhatm āḳhir safar-e-koh-e-nidā hotā hai

shikwa karne se koi shaKHs KHafa hota hai

aur shikwa nahin karta to gila hota hai

hashr jis se dil-e-mutrib mein bapa hota hai

sirf ek naghma-e-be-saut-o-sada hota hai

nind aati nahin jis raat tujhe ai dil-e-zar

shayad us raat koi jag raha hota hai

yun hai wahshat-kada-e-dil mein teri yaad ai dost

jaise sahra mein koi phul khila hota hai

ruh-e-shair se ubharta hai surud-e-abadi

ain us waqt ki dil Dub raha hota hai

dekh to kaun KHud-ara hai pas-e-parda-e-rang

tukma-e-gul to faqat band-e-qaba hota hai

aur baDh jati hai kuchh lafz-o-bayan ki tasir

lafz jab ashk ki surat mein ada hota hai

gamzan ruh hui wadi-e-KHamoshan mein

KHatm aaKHir safar-e-koh-e-nida hota hai