shikwa na chahiye ki taqaza na chahiye

Asghar Gondvi

shikwa na chahiye ki taqaza na chahiye

Asghar Gondvi

MORE BYAsghar Gondvi

    shikva na chāhiye ki taqāzā na chāhiye

    jab jaan par banī ho to kyā kyā na chāhiye

    saaqī tirī nigāh ko pahchāntā huuñ maiñ

    mujh se fareb-e-sāġhar-o-mīnā na chāhiye

    ye āstān-e-yār hai sehn-e-haram nahīñ

    jab rakh diyā hai sar to uThānā na chāhiye

    ḳhud aap apnī aag meñ jalne lutf hai

    ahl-e-tapish ko ātish-e-sīnā na chāhiye

    kyā kam haiñ zauq-e-dīd jalva-farāziyāñ

    āñkhoñ ko intizār-e-tamāshā na chāhiye

    vo bārgāh-e-husn adab maqām hai

    juz dard o ishtiyāq taqāzā na chāhiye

    teġh-e-adā meñ us ke hai ik rūh-e-tāzgī

    ham kushtagān-e-shauq ko mar jaanā chāhiye

    hastī ke aab o rañg tābīr kuchh to ho

    mujh ko faqat ye ḳhvāb-e-zuleḳhā na chāhiye

    is ke sivā to māni-e-majnūñ bhī kuchh nahīñ

    aisā bhī rabt-sūrat-e-lailā na chāhiye

    Thahre agar to manzil-e-maqsūd phir kahāñ

    sāġhar-ba-kaf gire to sambhalnā na chāhiye

    ik jalva ḳhāl-o-ḳhat se bhī ārāsta sahī

    vāmāndagi-e-zauq-e-tamāsha na chāhiye

    sab ahl-e-dīd be-ḳhud o hairān o mast haiñ

    koī agar nahīñ hai to parvā na chāhiye

    'asġhar' sanam-parast sahī phir kisī ko kyā

    ahl-e-haram ko kāvish-e-bejā na chāhiye

    shikwa na chahiye ki taqaza na chahiye

    jab jaan par bani ho to kya kya na chahiye

    saqi teri nigah ko pahchanta hun main

    mujh se fareb-e-saghar-o-mina na chahiye

    ye aastan-e-yar hai sehn-e-haram nahin

    jab rakh diya hai sar to uThana na chahiye

    KHud aap apni aag mein jalne ka lutf hai

    ahl-e-tapish ko aatish-e-sina na chahiye

    kya kam hain zauq-e-did ki jalwa-faraaziyan

    aankhon ko intizar-e-tamasha na chahiye

    wo bargah-e-husn adab ka maqam hai

    juz dard o ishtiyaq taqaza na chahiye

    tegh-e-ada mein us ke hai ek ruh-e-tazgi

    hum kushtagan-e-shauq ko mar jaana chahiye

    hasti ke aab o rang ki tabir kuchh to ho

    mujh ko faqat ye KHwab-e-zuleKHa na chahiye

    is ke siwa to mani-e-majnun bhi kuchh nahin

    aisa bhi rabt-surat-e-laila na chahiye

    Thahre agar to manzil-e-maqsud phir kahan

    saghar-ba-kaf gire to sambhalna na chahiye

    ek jalwa KHal-o-KHat se bhi aarasta sahi

    wamandagi-e-zauq-e-tamasha na chahiye

    sab ahl-e-did be-KHud o hairan o mast hain

    koi agar nahin hai to parwa na chahiye

    'asghar' sanam-parast sahi phir kisi ko kya

    ahl-e-haram ko kawish-e-beja na chahiye

    RECITATIONS

    Nomaan Shauque

    Nomaan Shauque

    Nomaan Shauque

    shikwa na chahiye ki taqaza na chahiye Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY