shoale se chaTakte hain har sans mein KHushbu ke
sho.ale se chaTakte haiñ har saañs meñ ḳhushbū ke
aa.ī hai sabā shāyad vo phuul sā tan chhū ke
ehsās ke jañgal meñ ik aag bhaḌaktī hai
jhoñke kisī gulshan meñ haiñ raqs-kunāñ lū ke
auroñ ne bhī puujā hai ai dost tujhe lekin
yaksāñ to nahīñ hote jazbāt man-o-tū ke
ye ahd-e-tamannā bhī ik daur-e-qayāmat hai
jab husn piye aañsū aur ishq lahū thūke
ham ḳhosha-e-gandum ko jannat se yahāñ laa.e
phir bhī tire dīvāne duniyā meñ rahe bhūke
vo dard ko chintā thā palkoñ se sitāroñ ko
naġhmoñ meñ badaltā hai ehsās ke lab chhū ke
kuchlā hai bahut dil ko sañgīn haqā.eq ne
phir bhī na 'zafar' bhūle qisse ruḳh-o-gesū ke
shoale se chaTakte hain har sans mein KHushbu ke
aai hai saba shayad wo phul sa tan chhu ke
ehsas ke jangal mein ek aag bhaDakti hai
jhonke kisi gulshan mein hain raqs-kunan lu ke
auron ne bhi puja hai ai dost tujhe lekin
yaksan to nahin hote jazbaat man-o-tu ke
ye ahd-e-tamanna bhi ek daur-e-qayamat hai
jab husn piye aansu aur ishq lahu thuke
hum KHosha-e-gandum ko jannat se yahan lae
phir bhi tere diwane duniya mein rahe bhuke
wo dard ko chinta tha palkon se sitaron ko
naghmon mein badalta hai ehsas ke lab chhu ke
kuchla hai bahut dil ko sangin haqaeq ne
phir bhi na 'zafar' bhule qisse ruKH-o-gesu ke
Source:
Rooh-e-Ghazal,Pachas Sala Intekhab (Pg. 702)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
