shoKHi-e-dard-e-dil-e-zar gul-e-naghma hai

shoḳhī-e-dard-e-dil-e-zār gul-e-naġhma hai

us kā har lahja-e-guftār gul-e-naġhma hai

soī soī sī ḳhalāoñ ko ham-āġhosh karo

qulzum-e-zaḳhm se bedār gul-e-naġhma hai

ḳhvāb-e-imkān-e-vafā hai vo mujassam koī

ham hue jis ke parastār gul-e-naġhma hai

chāñdnī kī hai na.ī sham.a shagufta pur-nūr

sar-tā-pā ishq kā shahkār gul-e-naġhma hai

chāñd sūraj ye sitāre haiñ sharāre us ke

us kī añgḌā.ī to anvār gul-e-naġhma hai

shash-jihāt us ke haiñ aurāq-e-ziyā oḌhe hue

muskurātā huā sansār gul-e-naġhma hai

mauj-dar-mauj badan kartā hai jaadū jaise

har adā us kī pur-asrār gul-e-naġhma hai

aa.ina sī hai vo doshīza mohabbat kī misāl

hoñT sho.ala hai to ruḳhsār gul-e-naġhma hai

rishta-e-rūh ne bāñdhā hai hameñ kis ke 'nadīm'

maiñ qalandar huuñ mirā yaar gul-e-naġhma hai

shoKHi-e-dard-e-dil-e-zar gul-e-naghma hai

us ka har lahja-e-guftar gul-e-naghma hai

soi soi si KHalaon ko ham-aghosh karo

qulzum-e-zaKHm se bedar gul-e-naghma hai

KHwab-e-imkan-e-wafa hai wo mujassam koi

hum hue jis ke parastar gul-e-naghma hai

chandni ki hai nai shama shagufta pur-nur

sar-ta-pa ishq ka shahkar gul-e-naghma hai

chand suraj ye sitare hain sharare us ke

us ki angDai to anwar gul-e-naghma hai

shash-jihat us ke hain auraq-e-ziya oDhe hue

muskuraata hua sansar gul-e-naghma hai

mauj-dar-mauj badan karta hai jadu jaise

har ada us ki pur-asrar gul-e-naghma hai

aaina si hai wo doshiza mohabbat ki misal

honT shoala hai to ruKHsar gul-e-naghma hai

rishta-e-ruh ne bandha hai hamein kis ke 'nadim'

main qalandar hun mera yar gul-e-naghma hai