shor mein irtikaz milta hai
shor meñ irtikāz miltā hai
tab kahīñ jā ke raaz miltā hai
guuñj uThtī hai duur tak āvāz
soz se jaise saaz miltā hai
aap hī aap haath malte hue
zindagī kā javāz miltā hai
ḳhvāb milte haiñ maḳhmalīñ kis ko
kis ko bistar gudāz miltā hai
kis se hotī haiñ raaz kī bāteñ
kis ko vo be-niyāz miltā hai
dekhiye kaun sī havāoñ meñ
vo havā.ī-jahāz miltā hai
shor mein irtikaz milta hai
tab kahin ja ke raaz milta hai
gunj uThti hai dur tak aawaz
soz se jaise saz milta hai
aap hi aap hath malte hue
zindagi ka jawaz milta hai
KHwab milte hain maKHmalin kis ko
kis ko bistar gudaz milta hai
kis se hoti hain raaz ki baaten
kis ko wo be-niyaz milta hai
dekhiye kaun si hawaon mein
wo hawai-jahaz milta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
