shorish-e-KHakistar-e-KHun ko hawa dene se kya

Mohammad Ahmad Ramz

shorish-e-KHakistar-e-KHun ko hawa dene se kya

Mohammad Ahmad Ramz

MORE BYMohammad Ahmad Ramz

    shorish-e-ḳhākistar-e-ḳhūñ ko havā dene se kyā

    lams āñkhoñ ko badan zā.iqa dene se kyā

    ho chukī hai gum sadā-e-bāzgasht-e-ġhaib bhī

    pattharoñ ko ab koī naqsh-e-navā dene se kyā

    dhuñd gahrī tahoñ meñ saare paikar dafn haiñ

    apnī bichhḌī sā.atoñ ko ab sadā dene se kyā

    ik nihāl-e-ḳhasta sūrat khaḌā huuñ raah meñ

    mujh ko aane vaalī rut aasrā dene se kyā

    kaun samjhegā mujhe tasvīr adhūrī chhoḌ duuñ

    rañg koī dā.era-dar-dā.era dene se kyā

    ek din khā jā.egī mausam sañgīnī unheñ

    ḳhushbuoñ ko ḳhvāhish-e-sail-e-sabā dene se kyā

    ban ga.ī hai bai.at-e-bātil asās-e-vaq.at 'ramz'

    arsa-e-imkāñ ko zehn-e-karbalā dene se kyā

    shorish-e-KHakistar-e-KHun ko hawa dene se kya

    lams aankhon ko badan ka zaiqa dene se kya

    ho chuki hai gum sada-e-bazgasht-e-ghaib bhi

    pattharon ko ab koi naqsh-e-nawa dene se kya

    dhund ki gahri tahon mein sare paikar dafn hain

    apni bichhDi saaton ko ab sada dene se kya

    ek nihaal-e-KHasta ki surat khaDa hun rah mein

    mujh ko aane wali rut ka aasra dene se kya

    kaun samjhega mujhe taswir adhuri chhoD dun

    rang koi daera-dar-daera dene se kya

    ek din kha jaegi mausam ki sangini unhen

    KHushbuon ko KHwahish-e-sail-e-saba dene se kya

    ban gai hai baiat-e-baatil asas-e-waqat 'ramz'

    arsa-e-imkan ko zehn-e-karbala dene se kya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY