shua-e-ishq-o-mohabbat ke jhilmilane tak

shuā-e-ishq-o-mohabbat ke jhilmilāne tak

charāġh jalte raheñge tumhāre aane tak

ye rāsta hī sahī is kī ḳhāsiyat ye hai

pahuñch rahā hai tumhāre nigār-ḳhāne tak

tujhe har ek ghaḌī yaad karne se le kar

hai ik tavīl masāfat tujhe bhulāne tak

na jaane kis kī nazar ne kiyā hai ishq ravāñ

ye dariyā suukh chukā thā kabhī dahāne tak

vo chāñd thā ki na haath aa sakā kisī sūrat

chakor phirtā rahā pīchhe ik zamāne tak

vo āsmāñ kī bulandī tak aate bhī kaise

rasā.ī fikr kī jin kī thī āb-o-dāne tak

na jaane fāsle kitne sameT kar 'āqib'

ham apne daur se pahuñche tire zamāne tak

use samajhne meñ kitne hī pech hoñ 'āqib'

ye naqsha vo hai jo le jā.egā ḳhazāne tak

shua-e-ishq-o-mohabbat ke jhilmilane tak

charagh jalte rahenge tumhaare aane tak

ye rasta hi sahi is ki KHasiyat ye hai

pahunch raha hai tumhaare nigar-KHane tak

tujhe har ek ghaDi yaad karne se le kar

hai ek tawil masafat tujhe bhulane tak

na jaane kis ki nazar ne kiya hai ishq rawan

ye dariya sukh chuka tha kabhi dahane tak

wo chand tha ki na hath aa saka kisi surat

chakor phirta raha pichhe ek zamane tak

wo aasman ki bulandi tak aate bhi kaise

rasai fikr ki jin ki thi aab-o-dane tak

na jaane fasle kitne sameT kar 'aqib'

hum apne daur se pahunche tere zamane tak

use samajhne mein kitne hi pech hon 'aqib'

ye naqsha wo hai jo le jaega KHazane tak